الأربعاء، يونيو 15، 2005

Back


..
عدنا و العود أحمد .. على قولتهم
..
اليوم بكلم روحي .. فمن أولها أحذر اللي ما يحب يضيع وقته .. اللهم هل بلغت ، اللهم فاشهد
..
كنت أزرق على هالبلوق كل جم يوم .. و كنت أسير على الربع و أقرى آخر مقالاتهم و سوالفهم .. بس شيين امنعوا تعليقاتي : الوقت و الكمبيوتر
..
صارلي يومين بأنقرة .. و الجت لاق و النومة المعفوسة و خبصة البيت اهي اللي مأذيتني
..
أم الدكتور محمود توفت بلبنان ! الله يرحمها .. أخو هاندان اللي عمره بأول العشرينات مات مخه و الحين معتمد على الأجهزة !! الله يشافيه و يصبر أهله .. ما حضرت عرس نوري لأني مددت قعدتي بالكويت
..
شيصير بالبيت اذا خليت فيه 4 قطاوة بدون حسيب أو رقيب ؟! ؟
..
الجو روعة .. ماشالله .. بالعشرينات .. و هم يتحلطمون اذا صكت ال 25 ! يا الله تمم علينا و عساها ما تعدي 35 بعز الصيف
..
انا و البوس مالي بنستمر .. ال 3 الباجين توزعوا بين الكويت و دبي ! .. 4 يدد بيوصلون على التوالي خلال شهر و نص .. عساهم يكونون خوش اوادم مثل ما سمعنا عنهم .. عشان ما نقول : خلك على مينونك لا اييك أين منه
..
احتمال أروح أذربيجان آخر هالشهر .. لما الحين ما انحسم الموضوع
..
الكبت يولد الانفجار .. و هذا اللي صار ! .. قلتلهم : اتق الحليم اذا غضب .. و للأسف ، غضب
..
الأهل و هم الربع يخططون يمرون تركيا خلال الصيف .. ماكو شي اكيد لما هاللحظه
..
ما هقيت إنَّ يلدز تطنش ! لي الحين ما طرشت الشهادة ؟! أشهد إنها عيوز ما تنعطى ويه
..
احتمال أشيل تقويمي خلال أسبوعين .. باذن الله
..
ونّسوني اللي مروا معرضي .. و اللي مروا مدونتي .. و اللي كنا على بالهم .. و الغايب عذره و سدّه معاه
..
شفت بالكويت بلاوي متلتله .. و سمعت سوالف ما تنقال .. المهم .. لي وقفه أهذر فيها حول ديرة الخير .. اذا الله أحيانا
..
سرينا ؟
فمان الله

هناك 20 تعليقًا:

Q8Lioness يقول...

حمدالله عالسلامه

Eb9ara7a and his Wife يقول...

W.
الله يبارك بحياتج و عمرج .. مشكورة على انج طرشتي مبعوث رسمي للمعرض نيابه عنج
:P
..
aljadel
يزاج الله خير
نورتي البلوق
..
q8lioness
الله يسلمج و يعافيج و يكبر ما فيج و بيت مكه يوديج
:)

MASS يقول...

Finally
welcome back bro

kuwaite يقول...

الحمدلله على السلامة

ياخي كل ما ادش البلوق بشوف شئ يديد اشوف باختصار شديد حد الدوسة

ولا انا ارد قري حد الدوسه

ولكم باك ونورت

غير معرف يقول...

الحمدلله على السلامة ..
و بالتوفيج

True Faith يقول...

Welcome back :)

esTeKaNa يقول...

حمدالله على سلامتك
ياهلا ومرحبا تو ما نورت البلوقات كلها...قلنا ما راح نفقدك وايد بس تبي الصج؟...فقدناك من غير شر وفقدت تعليقاتك المميزة دائما

عسى استانست وردت روحك شوي عقب شوفة الكويت ولمة الوالدة والاهل؟
يقولون مطول الغيبات جلاب الغنايم
وانا ناطرة الغنايم
طبعا الغنايم البوستات:)

ويعطيكم العافية على المعرض:)

ray يقول...

welcome back

Eb9ara7a and his Wife يقول...

W.
أنا اشهد :P
..
q8ibloger
يزاك الله خير يا بو جاسم :))
..
dolphy :)
الله يعافيج .. شكرا على الزياره
..
L.B
Thanks :D

Eb9ara7a and his Wife يقول...

kuwaite :)
LOL ! اي صاج .. باختصار شديد حد الدوسه صارلها مدة بالويه
مشكور
..
مساعد
اجمعين .. ربي يوفق الجميع
نور البلوق بحضورك :)
..
T.F :D
thank you very much

Eb9ara7a and his Wife يقول...

Estekana :D
ما تفقدين عزيز انشالله .. من طيبج
و ترى الغنايم -ستتوالى- و الله يرزقج منها شويونه :P
الحمدلله غيرت جو بالديره و شحنت بطاريتي
..
ray :))
مشكوره حجيه

MASS يقول...

hahhaha laa yuba enta bu jassem:P

جنة الحواس يقول...

الحمدالله على السلامة
:)

maha يقول...

Welcome Back

=)

Eb9ara7a and his Wife يقول...

q8ibloger
:D
..
broke
الله يسلمج :)
..
maha
Thanks alot :)

Ra-1 يقول...

inshaAlla kel shay tamam?
:)

Eb9ara7a and his Wife يقول...

Ra.1
Yes Boss :P
الأمن مستتب .. و الخطة ماشية حسب الترتيب

Ra-1 يقول...

ay khe6a LOL ;p

Eb9ara7a and his Wife يقول...

يعني لازم أكشفها ؟
بلاش فضايح يا معلمة تفيدة
:P

MASS يقول...

aiwa ya khalti bamba:P
balaash fa'9aye7