الأربعاء، فبراير 16، 2005

Nineth : !! مغازل بين السما و الأرض

.



هالكلمات سطرتها (حلوة مني سطرتها صح؟) سنة الألفين و أثنين
السلام عليكم و رحمه الله و بركاته ... ادري اني غطيت عنكم فتره طويله بس لا تلوموني تراني لاهي بالدوام و الدراسه .. الغربه صعبه يا جماعه الخير ... بس عندي سالفه قصيره أحب اني اقولها لكم ..

سالفتي أو بالأحرى ملاحظاتي شفتها بالطياره و أنا راد من لندن ( مطار هيثرو بالتحديد) لما وصلت الكويت .. الطياره طارت بليل و طبت الكويت حروة ال7 الصبح لأنها بريتيش ايرويز مو كويتيه (يعني منهم) همممم ..

ملاحظتي الاولى اللي شفتها و صج لاعت جبدي منها .. اربع صبيان و بنتين كانوا مع بعض و مبين انهم مو اهل لا تقولولي شلون بس مبين و مو قاعدين يم بعض بس كانوا قراب وايد و احتمال انهم يدرسون مع بعض ببريطانيا .. ضحك و كركره و كعكعه جنهم اول مره يركبون طياره بدون اي احترام حق الأوادم اللي بيرتاحون و بدون مستحى جنهم بروحهم .. ناس لا تستحي و لا تنتخي الصراحه .. أنا كنت حاجز سيت يم الدريشة بحيث ضمنت ان الاثنين اللي يمي فاضين فخذيت راحتي بالسدحه و صارت مجموعتهم جبالي و لانه ظلمه ما افطنوا اني قاعد اتطمش عليهم و مسوي زووووم .. مره اقرى بالكتاب اللي بيدي و مره اشوف المهزله اللي جدامي ...

فجأة قام واحد من الفرقة و اشتغل تصوير !! البنات يضحكون معنه وحده منهم وااااضح انها منحرجة و تحاول تخش ويهها وجنها تقول بقلبها : ابتلشنا فيهم و ليش طيحنا الميانه شوفوا شصار !! المهم .. الفلاش ازعج الناس خاصة انه الطيارة مظلمة ليش انها حزة نوم فحذفت كتابي و طفيت التريك اللي فوقي .. تالي استحوا على ويوهم و وقفوا تصوير و كركرة ..

ملاحظتي الثانيه .. الصبي اللي وراي كان يسولف مع بنيه وراه ( غير الفرقه ذيج ) و انا كنت قاط اذني و بلاغة الشف اشتغلت عندي هيهيهي .. المهم .. فهمت انهم يدرسون بمنطقة وحده و الظاهر بينهم مواد مشتركه و كان الصبي حد التكانه و كلامه بين انه ثجيل و سمت و ماعنده كيري ميري
..

بعد شوي انثبروا يمه 3 صبيان من الفرقة اللي تحجينا عنها اول شي !! اثاري هذيله شلة و كلهم يعرفون بعض .. البنيه استحت و اسكتت و الظاهر انها ماتعرف باجي المصبنه .. الشباب اشتغلوا تفلسف و كلك و صواريخ يعني سمعينا يا الحلوه ترى احنا منهم .. مت من الضحك و كسروا خاطري على مستوى طرحهم ! المهم .. البنيه قامت فجأة و راحت عزكم الله الحمام ( مكياج او غيره مادري ؟! ) هني اطلعت الصجيه و بدى الحش و الحجي الخايس (سوري) بينوا المصبنه انهم من بره هالله هالله و من داخل يعلم الله !!! تدرون شقالوا ؟!؟

يتناجرون .. منهوا اييب راس البنيه ؟! وخزياه على قولة القايلة ! وين اللي مساعه تكانه و مسوي روحه سنع ؟ قال لحد اييب طاريها تراني راسم عليها و هذي زميلتي و بمنطقتي ( مو الاخ يدته اليزابيث ) و الشباب يعلقون عليها و على جسمها و اهي ماشية و المسكينه ماتدري باللي ينقال من وراها


الوم البنيه انها لابسه لبس مادري شلون قايل و انها بروحها بهالغربه .. بس هم الشباب كانوا جليلين حيه و طاقين الشرف جنهم كلش ! .. اييييييييييه الله كريم

ماني مكثر هذرة .. ادري حلقه اليوم ماهي قوية بس اهي سالفه كانت تقرقع بقلبي و حبيت اقولها لكم .. اعذروني تراني ساعات اعيش الدور و احس اني غيور على ديرتي و اهل ديرتي .. واخاف على بناتنا و اتمنى صلاح شبابنا


شفيه لاري كينج ؟ .. يالله يا جماعه الخير .. اترخص الحين .. فمان الله .. و نلتقي انشالله بحلقه يايه :)

هناك 14 تعليقًا:

True Faith يقول...

Did you tell her what were they saying about her?

Eb9ara7a and his Wife يقول...

lol
la 6ab3an I didn't tell her !
First la2ane emsawe ro07e nayem hehe :P
Second Cause hathe '3al6at-ha o ehe ele lazem tete3e'6 men 3awqebha .. ma7ad 6agha 3ala her hand o galaha mashe halnemayen elta3bana ! :s
entay go0leelha :PpP

True Faith يقول...

You should've told her. It has been your responsibility to since you heard the guys talking about her in that way.

May be she didn't know that they were like that. As you wrote that he was gentle with her.

Eb9ara7a and his Wife يقول...

la la male she'3el feeha !
tara ana men elnoo3 ele ma asket 3an elWrong things , ella etha a7ad me3taz ene a3awna aw someOne a3arfa ..
a7la shaaaaay ! : sis , tara halshabab galaw 3anech kalamen maho 6ayeb o 7ashaw feech o keet o keet o keet !! :)))
noWaaaay :s

ray يقول...

وا خزياه , صج يفشلون

في ناس من أهل الله , من كثر ما اهما على نياتهم , يحسبون كل الناس مثلهم

لو قايل لها أحسن , بس همن سالفة تنقل الحجي مو حلوة

Eb9ara7a and his Wife يقول...

اي صاجّه .. اكو ناس على ويوهم ! بس ترى الطيبة ما تنفع بكل وقت .. ساعات تتحول لي سذاجه و يمكن غباء !
الانسان لازم يكون فطين و امفتح باللبن و مبقق عويناته لو بالهريس :P
بس للأسف أكو وايد بنات مقصّة و كلمة تييبهم و ثانيه توديهم :s

True Faith يقول...

بس للأسف أكو وايد بنات مقصّة و كلمة تييبهم و ثانيه توديهم :s

And there are guys like you that have the choice to help and they don't.

Eb9ara7a and his Wife يقول...

lol !
tara am not Super man Or mo9le7 ejtema3e :s
many wrong and bad things tmer 3aleena everyday belsekeek welmojama3at weljam3a weldawam .. bas a'3labha en6ansha o net3awath men eblees !
aqal shay ena elwa7ed yet7al6am eb9o0t 3ale o ynabeh elnas ele ma 9aratlehom halProblems ! ;)

غير معرف يقول...

dasha 3ar'6 bas today march 3 is eb9ara7a's birthday HAPPY BIRTHDAY

Eb9ara7a and his Wife يقول...

yeah right !
men galech ?! :s
anyway .. thanks alot :D men 6eebech 7ajeya

غير معرف يقول...
أزال أحد مشرفي المدونة هذا التعليق.
غير معرف يقول...

Ana layl7een ma 7ajayt ana mo hajeya ana OOY

Eb9ara7a and his Wife يقول...

o0oY :))
thanks wayed wayed Dear , aham shay enech emdal3a ro07ech hehe :PpP (OOY)
soso and toto we3yalhom ysalmo0n 3aleech wayed ;)

Expatriate يقول...

Brother,

it9eer wayed hal mawaqef. 7a6een eb-balhom dam enhom yadreson barra khalas yakhthoon ra7at-hom chenhom amrekan or english oo mo muslims or kuwaitis.

Mashahed el maskhara ben el kuwaiti guys and gurls marrat 3alay wayed hnee bel U.S. , gabel i used to get mad bas al7een not anymore . bel6agag .. belly ma ey7afeth-hom ..