الثلاثاء، سبتمبر 13، 2005

London Bridge is falling down !





















خير الكلام ما قلَّ و دل
و بيني و بينكم .. المشاغل و الكسل شيين يلعبون دور بسالفة الكتابة و متى نختصرها و نلخصها

سافرت لندن حروة 10 أيام
التوركيش ايرويز تطلع من أنقرة لي أسطنبول و تالي تروح مطار هيثرو
الروحة كانت بزنز و الردة سياحية
بالروحة قعدت يم صينية و بالردة قعدوني بين عيوزتين بريطانيتين و تالي بدلت و صرت يم الدريشة
أول ليلة كنا شخصين بفندق ب و باجي الأيام 3 أنفار بفندق أ
كالعادة .. لندن اهي لندن .. نفس الجو و نفس المباني و نفس الأسعار و الغريب انك تشوف نفس الاوادم اللي تشوفهم كل سنة
!!

ما قدرت أشوف رفيجي سامر اللبناني و زوجته اليونانية لأن كان بلبنان و تالي بيمر اخوانه بالكويت .. بس سلمت على بو أحمد و اهو بدون من مواليد الكويت و كذلك جمال المصري .. شعور حلو انك تلتقي بناس عاشوا معاك ايام حلوة و فقدتهم سنين
زرت العيوزة اللي كنت عايش عندها بمدينة اوكسفورد و كانت روحتنا بالقطار .. عزمناها على اكل لبناني بمطعم ينقاله طربوش .. تالي حسنا بالمدينة مع ميس شيلا و طبعا انا مال منها بس الشباب ودهم يشوفونها لان الاول يحب التصوير و الثاني يبي يطلق رويلاته و يطَيّحله جم كيلو من كرشته
عطيت ميس شيلا قوطيين بقلاوة تركية .. واحد حقها و الثاني حق يارنا الشايب الأسكتلندي اللي سميته و مازالوا يسمونه : بريف هارت .. بريف هارت كان عنده جلب –كرمكم الله- أصمخ و نظره خفيف و طول فتره دراستي بأوكسفورد و اهو ينابح علي جنه اول مره يشوفني .. روكس مات
!
الناس اللي ايّون لندن من الخليج أنواع و نماين
دراسة .. طلبة جامعه او معاهد لغه او ماجستير و دكتوراه
علاج .. الله يشافي الجميع
سياحه .. ناس بره لندن و ناس داخل لندن .. أغلب هالشريحة عوايل
تسوّق .. و هذي مواسم .. مواسم السيل و مواسم النيو سيزن و مواسم أي كلام
قز .. و هذيله يفترون من صباح الله خير لما تالي الليل حسب البرنامج التالي
أول شي أوكسفورد ستريت .. بوند ستريت .. ريجنت ستريت .. سلفرجز
ثاني شي الهايد بارك يم البحيره .. و اللي يشيشون يروحون قهاوي اجوار رود .. لا يحوشك
تالي هارودز و اللي حوله
عقبها قهاوي نايتس بريج
و بعدها بيكاديللي و مطاعمها مثل بلانيت هوليوود و واقاماما الياباني و قهوة رانديفوز الطاحسة
بعدين يبسطون بلوبيات الفنادق لما جريب الفير
!
أكو نمونة أخيرة من الناس اللي اييون لندن و اهمه اللي عندهم بيوت و شقق هناك .. و هذيله برنامجهم يختلف نوعاً ما عن اللي قلناه .. يفضلون الاماكن الأذرب و اللي فيها عرب أقل و يمكن نفس الاماكن بس انهم ينقون اوقات مافيها زحمة و طق اعصي

VICTORIA'S SECRET
اسم عالمي ما يحتاج تعليقي ! بس اللي صار انه واحد من الربع طلب مني ان اشتري شغله منهم حق أهله ! شي أكيد ان الأخ طلب مني برفيوم أو بدي لوشن مو أكثر .. بس لأن صاحبنا عزيز و غالي فحست عشانه آخر يوم عقب ما سافروا الربع لما يأست و قالولي بسيلفرجز و هارودز ان اللي أدوره موجود بأمريكا بس
لكن روحتي المطار امبجر خلتني ألقى بالصدفة كورنر فيكتورياز سيكرت ! و العجيب اني تعرفت على اللي يشتغل هناك و طلع برازيلي مسلم عايش طول عمره بالبرتغال بس توه توظف بهالكورنر اللي بمطار هيثرو .. و من يومها و محمد متواصل معاي بالايميل
***
توقف بعض المتميزين من الاخوة و الاخوات عن الكتابة في المدونات أعده خسارة لا يسهل تعويضها الا بظهور بديل لتلك الشجرة المثمرة
قد تعيق مسيرتك ظروف و انشغالات و ربما ملل و كلل .. اجعلها استراحة محارب .. و اعتبرها تأخراً مؤقتاً لا توقفاً دائماً .. لا تخجل من الانقطاع فتره بل ارفض الانسحاب الأبدي
وفق الله الجميع
***
كالعادة .. احرص على نشر مقالة قديمة تستحق القراءة مرة اخرى .. و كان اختياري هذه المرة من الباقة المتميزة التي وجدتها في مدونة الأخ الجاحظ
حديث شريف .. و قصة ذات مغزى.. يعقبها استخلاصٌ للعبرة

http://al-bayan.blogspot.com/2005/08/blog-post_08.html
***
على الخير نلتقي

هناك 28 تعليقًا:

Ra-1 يقول...

3ad (Qazween) tawa yayeblee men amreeka key chain (victoria's secret) ;)
what about u? :p

LiTTLE BiG يقول...

Nice post :)

True Faith يقول...

Eb9ara7a; I met some people today who mintioned your name infront of me and they were talking about you and that you are a good well behaved person ...

Sh3aleek :P

Al-Hanbali يقول...

too bad i know whats victoria secret lol

nice post
and nice to have you back blogging again:)

eb9ara7a يقول...

Ra.1
يحليله .. شكله هالقزوين يشتري و بس

مثل ما قلت قبل .. انا شريتله كلونيا توها نازله و معاها بدي لوشن
:)
..

L.B :D
Thanks sister

eb9ara7a يقول...

T.F
مو حضرتج امجابلتها كل يوم .. اخيراً طرتني بالخير ؟
عاد عسى صدقتي كلامهم ؟ اي ترى ما جذبوا
:PpP
..

Q8iBloger :))
LOL
اي نعم .. ماهو شي طيب انك تعرف هالفكتوريا يا بو جاسم

و مشكور على كلامك الحلو

AL-3ANAN يقول...

:) eslobek bel ketaba eytha7kny wayd lama agra some of ur posts el smile matro7 men wayhy madry lesh :P
keep on ;)

Enter-Q8 يقول...

والله سوالفك لها وحشة حجينا
يا جار القلب الشجاع
بس صاحبك هذا اللي موصيك
والله لو ابوي يوصيني ادش فيكتوريا ما ادش
انا صج لساني اشطوله وما استحي من الحق
لكن فيكتوريا
يا راجل..........مالك امل

True Faith يقول...

Eb9ara7a;it wasn't Ra-1 it was other people that Ra-1 doesn't know...

And yes طروك بالخير

Ra-1 يقول...

ana ma sawet shay :p

eb9ara7a يقول...

al-3anan
:D
وناسه
يمكن ليش اني أكتب و انا أسولف مع روحي

عسى دوم هالكشرة الشقاقية سواء بمدونتي او بغيرها
..

Enter-Q8 :))
تسلم يا بو وليد
عاد تصدق انا مثلي مثلك ! حياوي و لو عندهم محل بروحه جان ما دشيته

مجمع سلفرجز اللي بلندن بنص اوكسفورد ستريت عباره عن طوابق و لما ابي اروح فوق كلش لازم امر بالسلم المتحرك لمدة ثواني على دور الاندر ويرز و سوالف الحريم !! حزتها اتمنى انه ما تطب عيني بعين وحده عربيه يمكن اصادفها هني او هناك معني مو مسوي شي غلط
!!
معقد ؟

eb9ara7a يقول...

T.F :D
من قدي من قدي
عاد بنات ولا شباب ؟

الحمدلله اللي خلانا ننذكر بالخير من ورى ظهورنا
اي حجيه كثري من هالعلوم الطيبه
..

Ra.1
خو انتي بريئة خو ما سويتي شي خو سامحتج

خو :P

True Faith يقول...

banat ;)

eb9ara7a يقول...

T.F !
يه يه يه .. كالعاده يعني ؟
LOL
سلمي عليهم سلام جثير
:P

Rain Drop يقول...

بصراحة
ولهنا على سوالفك
استمر
:)

غير معرف يقول...

بصراحه استمر اولهوا على سوالفك
!!

نون النساء يقول...

أكثر شي ضحكني الفكتوريا سيكريت

ماقدرت أتخيل المنظر

eb9ara7a يقول...

R.D :)
اولهت عليج العافيه

نستمر .. معاكم
..

anonymous :P
I know
..

نون النساء :D
هلا بالضيفة الييديده

اي يا معوده لا تتخيلينه .. الاحراج بعينه و اعلمه

نون النساء يقول...

يا هلا فيك
أشكرك


لا خلاص غضينا نظر عن الموضوع

منعا للتمشكل

qalm-jaf يقول...

بصراحه
حلوه الصداقه من جنسيات مختلفه
بس الاحلى
التواصل معهم
(:

خذنى على قد عقلى
انا ولد فقر وماعمرى رحت لندن

شنو
الفكتوريا السكريت؟؟؟
والله راسى عورنى وانا افكر
شنو؟؟؟؟؟؟؟

Bo-tariQ يقول...



بالنسبة لوصفك للروتين اليومي
للقزيزه..ياخي قبل الزواج والعقل والتفتح على الدنيا كان تقريبا نفس هالروتين

مع مراعاة انه كان فيه مكان واحد للتجمع وقتها اخر الليل اللي اهو التراكاديرو ايام عزه بس بعد ما كبر الواحد وركد قمنا نروح متاحف وامكنه بره لندن

صار الواحد مايطب الامكنه المعتاده الا للسينما في ليستر سكوير ..!!!

ذكرتني بالايام الخوالي...!!!


==

بالنسبة للفكتوريا سيكرت هذا سلمك الله اخر سفره لي حق امريكا معاي واحد من الرعب توه للحينه ما ملج وكان يبي يملج بعد السفره المهم الريال خطيبته اللي الحين اهي مرته موصيته على سوالف من هالمحل..المهم صاحبنا بالعاده جعص وما يندي تفاجات انا ان الريال قاط حوالي فوق الميتين دينار من سوالف فكيتوريا

قلته اووله كل هذا شماله جان يرد علي

يبا الواحد جم مره بيتزوج خن نتززوج على اصول ولا بلاها

eb9ara7a يقول...

نون النساء
:))
اي زين تسوين يا بنت الحلال
..

Qalm-jaf :D
LOL
همم .. باختصار : ماركة حريمية ما تلقاها الا بامريكا أو بعض المطارات العالمية مثل هيثرو و باريس و جنيف او انها تيي طلبية
..

Bo-Tariq :)
بالنسبة حق لندن .. صدقت .. الوضع تغير الحين و الاول تحول

و رفيجك ما ينلام ، من يقدر يزعل خطيبته و يردلها طلب ؟! ولا جان طلع بالشينه من اولها و حسبوا انه يلده ما يندي
:P

غسان يقول...

بصراحة ! فتحت عيوني على أشياء ماعرفها من قبل
تذكر بالمرات الجاية انا في ناس يقرون مدونتك وهم Under Age;P

d3la يقول...

قوه شلونك بصراحه الصراحه كانت المواضيع قيمه و حلوه معني عارفه جم سالفه منهم بس ما عليه نقرى اخبارك.
وانت منت قادر اتحافظ على صداقاتك بالكويت على شان اتحافظ على الاجانب.
فكر عدل و راح اتعرف منو الشخصيه المجهوله.
meme ;p

غير معرف يقول...

Where did you find it? Interesting read » » »

غير معرف يقول...

What a great site Free online interactive games rpgs

غير معرف يقول...

That's a great story. Waiting for more. film editing schools

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير