الجمعة، يوليو 08، 2005

Books



%%%

تحياتي حق اللي سير على مدونتي

%%%

القرقيعان اللي بنثره عليكم اليوم عبارة عن خلطة بيطة من كل نمونة .. يعني سوالفنا أشكال و أرناق

و أول شغيلة بييب طاريها اهي ذاك الطلب اللي صارلي فتره كاشت فيه و بغته مني الزميلة النشيطة أم البلوق الأسود اللي تسير علينا كل يوم من نجد
W.

Number of books I own
يبييييه ! شيعدهم الله يهداج يا بنت السعودية ؟ .. مو لأني رفاع الطهطاوي أو قاسم أمين أو زكي جمعه .. مين زكي جمعه ؟
بس القمنده اهي التالي .. مكتبة بيتنا عباره عن ثلاث أرباع طابق (ماشالله) و مخلينها مكتبة عامة ! يعني كتبي غايصة بين كتب الوالد و الوالدة و اخواني و خواتي ! لهذا مستحيل أعرف اللي لي و اللي لهم .. بس أول أشياء كنت أقراها كانت مجلات ماجد و سعد و ميكي و سوبرمان

Last book I read
مختارات شعبية من اللهجة الكويتية – أيوب حسين الأيوب – الطبعة الأولى 1982 يعني النسخه طاحسة و حاكها الدهر

Five books that mean a lot to me
القرآن الكريم
الرسائل – حسن البنا
الموسوعة الكويتية المختصرة – حمد السعيدان
الدبلوماسية الكويتية بين المحنة و المهنة – سليمان الشاهين
ماهو إسم كتاب قريته ! إنما بيي اليوم اللي أقول إسمه Top secret

The book I am reading since long but could not finish
لا تحزن – عائض القرني

و ما ودي أحدد أحد معين عشان يتطرق حق الأمور اللي تطرقت لها قبل شوي لأني مادري منهو اللي تم تحديده من اللي ما تحدد ، ليش إني الفترة الماضية إنشغلت عن النت و فوقها سافرت فما قدرت أتابع مدونات جماعة الخير

%%%
أنا من المتحفظين على مسألة نشر الصور الشخصية و إمكانية عرضها للعلن ، إنما تشجعت إني احط وحده من صوري –الكوميدية- و أنا صغير خاصة و إن بعض الشبيبة و الزميلات سووها .. و كان آخرهم : حامي الديار
عاد حزّر فزّر .. و حاولوا تعرفون أي صبي فيهم حضرتي ؟ واحد من الثلاثة المرتزين .. ثنين جدام و
واحد ورى
%%%
I’m coming with the black camels without shoes
I wanna ask you after late , how are you ?
: يعني
جيتك مع سود المجاهيم حافي
لجل أنشدك عقب البطى ، كيف الأحوال ؟

و صح السان الشاعر .. و المترجم
%%%
من القديم المتجدد الذي يستحق القراءة للأخت سرابhttp://sarab22.blogspot.com/2005/04/blog-post_111484914550274650.html

هناك 40 تعليقًا:

W. يقول...

تسلم وكلك ذوووووووووووق

جازتلي كلمة طاحسة

LOOOOL

qalm-jaf يقول...

صح السانك على بيت الشعر وصح السان المترجم اتذكر كنت فى جمهورية الشيك واحد من الربع فى الكويت دزلى رساله البيت اللى كاتبه اتذكر ذاك اليوم حاشتنا هستيريا من الضحك
وبالنسبه للكتب الله يعطيك العافيه مشكلتى ما احب اقرا ذاك اليوم قلت لازم اقرا رحت المكتبه وشتريت كتاب حق د عايض القرنى لا تحزن وملون بعد صار فى غرفتى شهر ما قريته اخر شى عطيته واحد من الربع هديه
(:

qalm-jaf يقول...

نسيت اتوقع من اللى فى الصوره
واحد دكتور وحده ممرضه واحد توه طالع من مستشفى الرازى
على ما اعتقد انت الاخير

Qaneema & her husband يقول...

1- 3indik elkitab ele galaw feeh ina obo sa3ad elfaray bawag diyay ? mal elza3farani

2- ana atwaqa3 inik elShort one ele emlaflifeena , aw china lebs fatha2 aw qoo9 ?!

Babby يقول...

same here !!!

( la ta7zan ) hal ketab .. kel ma anwy eney bakhal9a ma ekhale9 .. !! le2any atane7 eb kel kelma feh o0 at2amal .. mashallah 3ala eley katba .. 9ij abda3 fe kel kelma !!!

mofeeeeeeeeeeeeeeeeeed 100000%

mmmm o0 about el pic .. it's fine .. :P`p many gadra atkhayelek eb badla :P ;)

good luck :)

Bo-tariQ يقول...

نقدر نقولك

welcome home

ولا لسه مسافر

وشيىء جميل ان نرى ان هناك اناس تقرأ والله يوفقك اخوي..

اعتقد كتاب العم ايوب حسين..من اجمل الكتب التي قراتها شخصيا..حلو الواحد يعرف ماضيه والكلمات اللتي فيه بدلا من المصطلحات التي نرها على جيل اليوم والتي لا نعرف مصدرها ..

Bu-Naser يقول...

اكو صورة اوضح بحاول اطلعها فيها الوجوه اكثر، اما منو انت اعتقد انك رائد الفضاء اللي على اليمين وعلى ما اعتقد ان الاخير اسمه ف.ف.
واللي بالنص وحدة امسها ب.ز

صح ولا انا غلطان ؟؟

Al-Hanbali يقول...

you are ikhwani big time

:|

Q8Lioness يقول...

من احلى الكتب اللي قريتها
لاتحزن واسعد امراه في العالم
للدكتور عايض القرني
خوووش بوست تسلم ايدك
بس سؤال ليش صوره المسكين اللي حاطيله جبس بالصوره كسر خاطري وعليه :(

aljadel يقول...

looool q8lioness hatha mo jibs hatha maskeen ga9een 3alee welbajy emlabseenhom doctor o momareetha
yalla al7een who r u ??

غير معرف يقول...

so which one is you ?

True Faith يقول...

You are the one on the left.

7amee elDyar يقول...

ما شاء الله كتبك حدها يديده

انا اخر كتاب قرئته كان (من هنا يبدأ التغيير ) لتركي الحمد انصحك بقراءته

والان اقرأ بشرهه لراشد الغنوشي وجودت سعيد


بالنسبة لصورتك انا اعتقد حضرتك المومياء اللي واقف على اليمين خخخخخخخخخخخخخخخخخخخخخخ


بصراحه بوستك اليوم عجيب

كل مره كنت اعتقد ان بوستك اليوم عجيب

لكل كل بوست يطلع احلى من الثاني يا حلو

يا بوقذله طايره فوق

ClOuDs يقول...

You are the one on the right ! :)

EsTeKaNa يقول...

قرقيعانك مبجر :)
اما الصورة الكوميدية
أنا اقول انته بو الفناتج
أكييد رائد الفضاء اللي مو مبين منه شي هذا انته بطل الصورة:))

ليش ما اشتغلت بالترجمة الفورية؟
ترجمتك تحتاج ترجمة
:))

Qaneema & her husband يقول...

Ha ya teacherna
min ele faz belja2eza ?

o ba3deen minhi libnaya ele mirtaza belni9 ?

Bu na9er said : B.Z ! hmmm

فيلجا يقول...

البوست كوووم

ورائد الفضاء كوم ثاني

هههههههههههههههههه شكله هذا اهو انته..

بالنسبة للكتب والله انا احترت الواحد ما يعرف شنو يخلي وشنو ياخذ


ومشكووور

eb9ara7a يقول...

W.
حاضرين للطيبين .. خفت اذا ما جاوبت تروحين الحرم و تدعين علي ! عاد شكلها دعواتج وحده بوحده يا ام بلوق أسود
:P
..

qalm-jaf !
هديه عاد ! انا اهون منك .. ليلحين الكتاب صامد بالمكتبه على اساس اني بقراه يوم من الايام :))
..

qaneema :D
LOL
بدعتي ! اظن اسمه : أخبار الزماني لابن الزعفراني ؟ ما اذكر المسرحية بس اذكر انه يدهم الله يرحمه كان بواق دياي
..

dolphy :)
صاجه .. من ناحية مفيد فأنا معاج .. و القناعه هذي يت من كثر اللي امدحوه و اكتبوا عنه
انا و انتي و قلم جاف يبيلنا قراءة جماعية يالله انخلصه

eb9ara7a يقول...

bo-tariq :D
للأسف .. وايد من عيال هالوقت ما يهتمون بالقرايه بشكل عام .. و مجال ماضي الكويت و لهجتنا العتيجه صار شي غير مهم بتاتاً
ركز على بتاتاً
..

bu-naser ;)
maybe , I don't know
ناطر الصوره
..

q8ibloger :))
you can say that brother .. if you want !
..

q8lionss :)
طلعتي قرّاية يا اللبؤة ! ماشالله عليج اثاريج احسن مني و قارية اكثر من كتاب حق الشيخ القرني
استمري .. الله يعطيج العافيه

eb9ara7a يقول...

aljadel
LOL !!
ترى هالصوره تاريخية
بس مو الحين اعلق عليها
..

T.F
How r u ? :P
..

7amee eldyar ;)
يخوك ودنا نتقرى بشغلات ييديده و دسمه مثل اللي حضرتك مجابلها
بس ما كل ما يتمناه المرء يدركه .. انا بديره ماسحين منها اللغه العربية و مالك الا اللي اييك من الديره

و شكو بو قذله طايره بالموضوع ؟
شكلك امشبه علي

eb9ara7a يقول...

clouds
thanks for coming :P
..

estekana
على قولتج .. كوميدية
و سالفة الترجمة سالفه ، صكينا فيها على معجم اوكسفورد
اي ترجمه مني مناك ؟ ترى مانقول لا
..

فيلجا :)
القرايه يبيلها تدرج و تقسيم اهداف
يعني ما نكود كتب الدنيا و الدين و نعزم انه نخلصها
حبه حبه
لا ظلمة ولا سرايين

Al-Hanbali يقول...

i knew you were the whole time

ever since we had that argument

شرقاوي يقول...



المجاحيم او المجاهيم؟

(شرقاوي)

eb9ara7a يقول...

q8ibloger :D
yeah , I can remember it
عنوانها : العم سام .. الله يهداه
http://eb9ara7a.blogspot.com/2005/04/thirteenth-uncle-sam.html
..

شرقاوي :)
أشهد إنك دقيق .. الفرق جبير بين المجاهيم و اللي اهي البعارين ، و المجاحيم مشتقة من المجحم نسبة للعايلة الكريمة و اللي ما دورت معناها
..

bo-tariq :))
Both !
رديت و مسافر ! لأني رديت من أذربيجان بس مازلت مسافر بره الكويت

شرقاوي يقول...



المجاهيم أنواع، وانت أخبر يالحبيب، فهناك الحمرا، والصفرا، والملحا ، والسودا...

وفي سود المجاهيم يقول عنترة بن شداد، وهو يفتخر،

فيها اثنتان وأربعون حلوبةً
سوداً كخافية الغراب الأسحمِ

(شرقاوي)

شرقاوي يقول...



تكملة لما سبق...

أما المجحم فهو الإنسان الجاحم العين...

وجاحم العين شاخصها...ربما لمرض في العين مما يزيد من حمرتها...والله أعلم يالحبيب...

(شرقاوي)

Q8Lioness يقول...

ماظنتي محد يحب يقرا :)
وبأذن الله باديه في كتاب ثاني للقرني
على بوابه الوحي

Rain Drop يقول...

بصراحه

مجرد تسجيل حضور

أحببت كل شيء هنا

قطرة مطر

eb9ara7a يقول...

شرقاوي :)
ماشالله عليك ، لك اطلاع و معلومات بهالسوالف اللي أتحفتنا فيها .. كثر منها يا الطيب
..

q8lioness :D
قواج الله .. استمري عاد .. و مبروك على بلوق اختج الجادل
..

rain drop :))
حبتج العافيه .. كثري من يياتج و طلاتج .. لا تقاطعين

eb9ara7a يقول...

everybody
اي نعم ، أنا الاخ اللطيف ذو الوزن الخفيف و الطبع العنيف اللي قاصين عليه و ملبسينه لبس رائد فضاء !
و اللي ضحكني انه بعضكم عباله مومياء !! و بعضكم توقع انه امجبس
:))
يومها كلمن رز الويه و انشهر بين بنات و اولاد الروضه الا انا ! لانه ما تبين الا عويناتي اللي تتلاقط من تحت ذيج الخوذه
كلما اطالع الصور اذكر هذاك اللي بكارتونز ساوث بارك و اللي لي تحجى ما تدري شقاع يقول
ركز على : قاع

otuydbvckblkh يقول...

لالالا الترجمة عجيبه
اهم شي
how are you ?

كلش مالها شغل لوووووول

و حرام طلعت انت الفضائي ؟ قاصين عليك ترى معطينك دور كومبارس

W. يقول...

LOOOOOOOOOL

ehm ehm

يحليلك.. انا كانت الوالدة دايم تلبسني
Cowboy or Indian

aljadel يقول...

مادري مؤلف أغنية انا بالروضه وايا اصحابي وينه عنك؟!!!!

غسان يقول...

;)

ray يقول...

خوش قرقيعان

eb9ara7a يقول...

Le0 !
لا عاد مو كومبارس ! جامليني و قولي جندي مجهول
و بعدين عشان لا ينظلوني غطوا ويهي

W.
اي هم انا عندي كابوي .. مع مسدسات جراقي
..

aljadel
LOL
الله يرحمه
..

غسان
:P
..

ray
W.B
صكيت على الصيداوي

Qaneema & her husband يقول...

e wallah !
chinik mal South park aw Qi63a 13 !

wa3alayah

غير معرف يقول...

Enjoyed a lot! Driveway security gates oregon Self suck you penis Fruits vegetables cancer can you inject valium pill form i.v Effects of ritalin on women Zoloft prescribed to children diazepam experiment Bonnell ford state farm home insurance land rover after marked distributors midnight madness college basketball Paxil is better than Texas insurance for automobile dealership Breast augmentation surgery surgeon photos news in Spanish tailor made golf holidays 20 card keno freeware Depression low blood pressure 1936 ford rotor cap

غير معرف يقول...

Very cool design! Useful information. Go on! » » »

غير معرف يقول...

best regards, nice info Download free video lesbo http://www.casino-5.info/black_jack_onlin.html video game desinger dose of tadalafil game price right show dr dre the game Celexa 20mg tablets cruise lines itinerary