الخميس، ديسمبر 01، 2005

الصوغة 1




الصوغة
تعني في لهجة أهل الكويت .. الهدية التي يأتي بها المسافر لأهله و أصحابه
و هاهي كلماتي التالية أعتبرها الدفعة الأولى من الصوايغ التي أتيت بها بعد سفري –بل أسفاري- و عسى أن تحوز على إعجاب ضيوف مدونتي المتواضعة
***

قارئ القرآن و صاحب الصوت الشجي
الذي تبع نصيحة الرسول صلى الله عليه و سلم في ضرورة تحسين الصوت عند قراءة القرآن الكريم الشيخ مشاري العفاسي كان من المبدعين خلال شهر رمضان المبارك .. الآلاف من الجموع كانت تحرص على الصلاة عنده و غيرهم على متابعة تلاوته بالتلفزيون و آخرين حرصوا على شراء أشرطته و السي دي الخاص بأدعيته ..
لما الواحد يقرا القرآن لازم نيته اللي بقلبه تكون صافية و لازم تكون قرايته صحيحة و تجويده متقن و عقب هذا كله لازم يحاول يحسن صوته و يخشع بالتلاوة كثر ما يقدر ..
لكن للأسف كل شعاع نور تحاول تغطيه أيادي سوده ! متشددين اتهموا القارئ العفاسي بتمييع التلاوة و تقريبها من الأغاني !! و جم هتلي و هتلية تطنزوا عليه بنفس الأسلوب اللي أُستُخدِم ضد الداعية المصري عمرو خالد
!!
ماقول الا .. ترى القافلة ماشية
***

جريدة القبس و بكل صراحة غير محببة لي و أختلف مع لهجتها و الخط اللي تنتهجه تحيزاً مع تيار اللادين ..
إنما أهديهم شكري لأمانتهم في نقل أحد بوستاتي العتيجة -صيام آخر زمن- اللي انشروه بجريدتهم على مدار 3 أيام خلال شهر رمضان الفضيل ..
فشكراً للأخت الصايمه ..
و شكري موصول أيضاً للأخ خالد العتيبي اللي نبهني و وصاني إني أشتري القبس لأني ماكنت ادري حزتها عن الطبخه
و شكري يسلم عليكم
***


صج لي قالوا : شتّان بين الثرى و الثُّرَيا !
يعني و الله فرق بين فلان و فلان مع انهم أثنينهم .. فلان !
هذا مسؤول و ذاك مسؤول .. بس هذا ضحكته شقّاقية و ذاك كشرته تييب اللوعة !
و العجيب إن الأول اللي شوفته تفتح النفس أعلى مرتبة من الثاني اللي تنقث لي إنياب طاريه !
فالوزير –مثلاً- يتغشمر معاك و يسأل عن أحوالك و يقولك اشرحلي كذا و كذا .. في المقابل تلقى المدير –مثلاً- رافع الخشم و يطالعك بطرف عين و ماكو شي بالدنيا ما يعرفه !
الرسول صلى الله عليه و سلم كان ينام على الحصير و اهو حاكم أرض العرب و هازم الفرس و قاهر الروم .. و كان يقول : من تواضع لله رفعه
و صدق الشاعر اللي قال
تواضع تكن كالنجم لاح لناظرٍ
على صفحات الماء و هو رفيعُ
ولا تك كالدخان يعلو بنفسهِ
إلى طبقات الجو و هو وضيعُ
***

بدلة من البدلات العسكرية اللي كان يلبسها طاغية العراق معروضة للبيع حالياً في أحد دور المزادات الأمريكية
خبر البي بي سي

و كوني من هواة جمع التحف و الأنتيك و الأمور النادرة فكرت جدياً إني أشتريها خصوصاً إنها لما الحين ما يتجاوز سعرها الألفين دينار !
و بعد إعدام المجرم –انشالله- راح تزيد قيمتها .. و ممكن تتعلق –بالمقلوب- و تصير مزار حق اللي يبي يدعي عليه ! بس خفت إني أبتدع بدعة يتبعها الأوادم بسبتي –و خصوصاً الملايين من اللي ضرهم صدام و عصابته- ! و باجر يتهموني بعض الناس إني بسوي بالكويت رمي جمرات مثل ما سوى أبرهة الأشرم كعبة في اليمن !! و العياذ بالله
***

يا جماعة الخير
إبداء الرأي و عرض وجهة النظر لو كانت صحيحة 100% ماتكون أبداً بالعنف و الدفاشة !
و أنا هني أقصد كل من –بعض- المهاجرين في فرنسا
و –بعض- شباب قبيلة اصلبه
للمهاجرين في فرنسا عدة مطالبات واقعية و عليهم عدة ضغوط عنيفة و منع الحجاب بالمدارس ضايقهم مثل ما ضايقنا .. لكن يا غريب كن أديب .. إذا الفرنسيين ظالمينكم و الأوضاع تعبانة حولكم شحقة استقريتوا هناك ؟ و ليش الغالبية منكم مقيمين بشكل غير شرعي أصلاً ؟ .. و أنا بهالنقطة ماراح أكون متحيز للمسلمين لأن الصج ينقال و من داهنك فقد غشّك يا الربع
كذلك الإخوان الصلب اللي هاجموا قناة الراي .. كلّش ماكان له داعي اللي صار لأن الغلطانين إعتذروا لهم علناً رغم إن المثل اللي قاله ولد الديرة ما يهينهم و معناه ماله علاقة بالأصل و الفصل ..
عيل اخوانّا العوازم شبيسوون اذا ازعلوا بسبة المسجات ؟ و المطاوعة بسبة أكشاك التبرعات ؟ و الليبراليين بسبة منع الإختلاط ؟ و النيادة إذا قالوا عنهم حزرة ؟ و العيم إنهم ياكلون بصل ؟ و الجناعات ..؟ و ال .. ؟
شتسوى عليهم هاللي كسروا قناة الراي لما اسجنوهم و تمت الجرايد أسابيع تشرشحهم على الصفحات الأولى و الأخيرة ؟
و تحياتي للحكومة اللي ما اقبلت هالمرّة اسلوب خشمك خشمك مع هالتصرفات .. الهمجية
***
و للصوغة .. بقية

هناك 33 تعليقًا:

الجاحظ يقول...

لك مني جزيل الشكر على هذه الباقة المنتقاة من الصوايغ الرائعة، و لو أن رجوعك لنا يعد أجمل صوغة

~ se3loah ~ يقول...

اييييه الحين رجعت مثل اول
:))

والله مدري انت تكلمت عن اشياء واجده بس

دايم يكون اللي وصلوا لمستويات عاليه ما عندهم الغرور والتكبر مثل الموظفين اللي تحتهم
مثلا الحكام معروف عنهم التواضع لكن المشكله بالبطانه اللي تحتهم


اذا على الشيخ مشاري .. الخوف من تعلق الناس بشخص معين
مثل ما سووا بالحرم قبل سنوات وشالوا واحد من الشيوخ خافوا من تقديس الناس له


نعتبر هالبوست اخر واحد الين الحج ؟؟
:P

طائر بلا وطن يقول...

سلام يا الطيب و مشكور على الصوغة:)

اتفق وياك باللي ذكرته بس اسمحلي اختلف معاك بنقطتين

بالنسبة للجرايد .. مو لأني احب القبس او غيرها ..بس لأني قمت اشوفهم كلهم مثل مثل و ما قمت اقرا جرايد بالمره

بالنسبة لاخوانا من قبيلة صلبه .. صراحة مابي اعيد و اخلي موضوعك كله ينحصر بهالنقطة بس احب اوضح ان اللي قاله ولد الديره فيه اهانة كبيره من نوع يختلف عن انواع التطنز اللي ذكرتها بأمثلتك .. واقول كلامي هذا و انا عايش بين قبايل وربعي اغلبهم من ابناء القبايل من ولادتي إلى غاية اللحظة هذه

اوضح اكثر .. وانتو بكرامه مقدما

سين من الناس ردي

لو بهين واحد مثلا .. اقوله انت اردى من فلان اللي هو سين من الناس

و اذا بهينه اكثر .. اقوله شفت فلان و شفت رداته .. انت مو بس اردى منه انت اردى حتى من جلبه
:
اعتقد فيها اساءة كبيرة .. ومن حق اي انسان ان يعيش بكرامه
:
اتمنى تكون الصورة وصلت .. وسلام يا الطيب .. مع خالص الاحترام لكم و لجميع القبايل

eb9ara7a يقول...

الجاحظ :)
العفو العفو .. على شنهو تشكرني

و انت مرورك علي أعتز فيه وايد
..

Se3lowah :D
LOL !
لا انشالله الياي بيكون على الكرسمس
..

طائر بلا وطن :))
لك مني كل التقدير
توضيحك أقنعني
المهم أني متفق معاك على رفض العنف لابداء الرأي

Q8ya يقول...

السلام عليكم..:)

خوش صوغه..:)

بالنسبة لمشاري العفاسي....واللي اتهموه فهذول اللي يسمونهم أعداء النجاح...

الله يعطيه العافيه وطولة العمر...:)


وعلى صدامووه لوووول من زينه عاد وع وع حمد الله والشكر بس...

يعطيك العافيه...:)

Diver يقول...

الصوغة مقبولة
والصراحة لما الواحد يقرا أمور مثل الي تطرحها يستانس و يحس انه مو بروحة يغرد في الموقع ماله بدون لا أحد يسمعلة
مشكور مرة ثانية و يقولون الأولين من طول الغيبات ياب الغنايم

maha يقول...

خوش صوغة

و ترا احنا طمااااعين

نبي صوايغ وايد

نبي صوايغ أكثر من عدد سفراتك

:))

Permitah يقول...

مواضيع حضرتكم قمة في النزاكه كالعاده و المتعارف عليه اقولون ليش الكلافه اهم شئ السلامه و احنا بصراحه يا بصراحه صوغتكم دايما على ذوقنا و انت كريم و احنا نستاهل :)

eb9ara7a يقول...

Q8tya
حياج الله و كثري من زياراتج
و على قولتج : أعداء النجاح
:)
..

Diver :)
لا تحاتي .. منت بروحك اللي تغرد

و أهم شي ان الصوغه عاجبتك
..

maha :D
الصوغة الثانية بتوصلكم قريباً انشالله

و لكم حد تطمعون .. تمونين حجيه مها

eb9ara7a يقول...

Permitah :)
تعليقات سعادتكم دايماً تسرنا و تونسنا

و اذا ضيوفنا ما يتشرطون و يتنقون الصوغة .. عيل منهو اللي يتشرط ؟

Broke يقول...

Welcome back .. :)


وايد عجبتني هالأبيات
ولا تك كالدخان يعلو بنفسهِ
إلى طبقات الجو و هو وضيعُ

شكرا

SILVER RAIN يقول...

كششششششششششششششخة

صوغتي العلبة الزرقة

^______________^

احلا سوووووووووغة

ثااااانكيوووووووو

عن الداعية الاسلامي عمرو خالد
من يشوفون لهم مطوع لازم يعلقون علية
ليش موحاط لحية وليش وماليش
.. اتفق صراحة معاك بكل شي

وسح لسانك ^___^
والله يشافي الشيبة خالد
والشيبة بوطارق حكاااااااية بروحها لووووووووول

q8_shabab يقول...

السلام عليكم

حمد الله على السلامة

و صوغتك قبناها ... و لو انها دسمة اشوي

:)

بس بالنسبة لمشاري العفاسي ... اهو ماكان مفروض انه يحط صورته بالجرايد و بكل اعلان ... يعني شنه قاعد يسوي دعاية حق نفسه مو حق قرايته ... هاذي انا اشوفها من السلبيات اللي طاح فيها

بس هم الله يوفقه

ray يقول...

خوش صوغة

not so "off topic"
its funny how people shift from one status to another because of one single word...

eb9ara7a يقول...

Broke :)
حاضرين للطيبين
..

S.R :D
العفو حجيه
و صح ابدنج
..

Q8_Shabab :))
و عليكم السلام حجينا

انا ما اشوف ان حطة الصوره غلط

ولا تقاطع
..

Ray
ما فهمت
بس هم حاضرين للطيبين
:P

NOUF يقول...

صاير انتا سندباد كلها ايامك سفر
:))
على قولة فضل شاكر
بس شنو سبب هالاشغال ياترى ذبحنا الفضول

Яeema يقول...

اليوم أنا ممتنعة عن التعليق
من زمان ما دخلت مدونات و قريت جرايد

بس بثبت وجودي

eb9ara7a يقول...

Nouf :D
على قولتج : أشغال
و كلمن في قلبه شقى اللي له

..
Reema :)
Why not
ثبتيه و نص بعد

عادل القلاف يقول...

بلوق مميز جدا

بالتوفيق يارب

~ se3loah ~ يقول...

وين الصوغه الثانيه
!!!

eb9ara7a يقول...

عادل القلاّف
:)
حياك الله أخوي بمرورك الأول

لا تقاطع
..

Se3loah ;)
قريّب انشالله
الصبر زين يا هانم

Ra-1 يقول...

ka 3allaqna la tez3al ;p

True Faith يقول...

hahahaha Ra-1 :P

eb9ara7a يقول...

حيّى الله محظوظة و مبروكة
:P

{ ~ Bo Jasoom ~ } يقول...

بسم الله الرحمن الرحيم

العفاسي اقدم على خطوة قوية بفكرة انشاء قناة خاصة بالقرآن الكريم

وان شاء الله تحقق النجاح

==

بالنسبة للجرايد
بالفعل القبس
نتنهج اسلوب حاد ومنرفز في بعض الأحيان
من اجل مصلحة حزبية او شخصية

==

بالنسبة للبدلة

انا اقول تشتريها وتعلقها بالدوار الى يم جمعية مشرف وتصير فرجة للكويتين

: p

تحياتي لك وسلم لنا على بوزيد وهالله هالله فيه :d

اخوك بوجسوم

www.bojasoom.com

eb9ara7a يقول...

Bo jasoom :)
حياك الله بزيارتك اللي قد تكون الأولى

و شكراً على مساهمتك بالتعليق

و أبشرك ، بو زيد زايرنا و بيتم عندي جم يوم

تحياتي

{ ~ Bo Jasoom ~ } يقول...

نورت الديرة

اقصد نورت انقره : P

==

انا متابع دايم للبلوق
بس هذي على مااعتقد اول مشاركة لي

==

وتحياتي لك ولبوزيد ولاتنســاه من إسكندر الكباب التركي : P

اقامه موفقه وممتعه = )

tamer يقول...

الله جميلة المشاركة وهذة الباقة المتنوعة


شكراااااااااااااا



وفقنا الله لما فية الخير

مع خالص تحياتى

www.AFKaaaR.blogspot.com

www.3alam.blogspot.com

طائر بلا وطن يقول...

كل عا وانت بخير
:)

eb9ara7a يقول...

Bo Jasoom
وصل السلام حق بو زيد
الاسبوع الياي بييني بو زامل انشالله
:P
..

Tamer :)
شكراً جزيلاً
مرحباً يك في زيارتك الأولى
..

طائر بلا وطن :))
و انت بخير و صحة و سلامه
ما قصرت

غير معرف يقول...

Best regards from NY! » » »

غير معرف يقول...

That's a great story. Waiting for more. » » »

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير