السبت، أبريل 09، 2005

Fourteenth : !! صيام آخر زمن

الله بالخير :) كالعادة .. هالسالفة اللي بتبلشون بقرايتها بعد شوي ماهي من حجي هاليومين .. اهي عبارة عن كلمات صففتها بشهر رمضان اللي طاف .. و للأسف وايد قروبات انسختها و باقتها و الهفتها و طرشتها على أساس ان هالهذرة من إعدادها !! الله يسامحكم .. شدعوة ماخذين مقالة نجيب محفوظ
******

شباب و بنات .. مبارك عليكم الشهر .. و بدون القرقة المعتادة بدْفر على الموضوع .. ترى رمضان يا جماعة الخير ماهو بس تسكيرة حلج من فير الله لما أذان المغرب ! الصيام سَنَع و أخلاق و احساس داخلي و قناعه تامّة بأنه هذا شهر مقدس عندنا كمسلمين .. ندري ان السنه كلها عبادة و صلاة ، لكن هالشهر الفضيل له خصوصية اكثر يا الربع .. خلكم مع هالجم بند .. عالطّاير ;)


1- صايمه و تلبس مرصص لي درجة انك تقدر تعرف تفاصيل جسمها و مقاساتها كلها !؟! و ترى اكو متحجبات تنانيرهم ألعن من جينزات البنات السفور

2- صايمه و تارسه الويه مكياج و الحمره جنها كجب و الكحل لما الاذون و لابستلي عدسات و حاطه مسكره و شدو ؟ أظنتي يسمونه تبرّج .. صح ؟

3- صايم و تتمقل بالمشهدين و اللقطتين اللي قلنا عنهم قبل شوي ؟ لا تقول اهمه السبب .. اهمه عليهم اثم الفصاعه و انت عليك اثم الخز و انك ما غضيت بصرك

4- صايم و ترقم و تقز على البحر ؟ و لاحق بنات بالحب جنك ما تدري و قاعد تتمشى ! تقص على الناس اوكي .. و على الله شتسوي يا الدايخ ؟

5- صايم و تاخذ معاش بدون دوام ؟ لا اجازه ولا استئذان جنه الوزارة مالت اللي خلفوك .. شكو مو حاضر ؟ معنه الدوام خفيف و اقصر برمضان .. الله يهداك بس

6- صايمه و تحشّين بهذي و هذيج ؟ ترى الغيبه حرام .. و القرآن شبه اللي تغتاب باللي تاكل لحم انسان ميت ! و الله سبحانه ما يطق بعصى .. اليوم تحشين هني و باجر يحشون فيج هناك

7- صايمة و تتعمدين تتمخطرين على الممشى العصاري و قبل الفطور بشوي و انتي لابسه بنطلونات تدرين انها تشكل جسمج و بديات (جمع بَدي) مطلعه شحومج ؟

8- صايم و قاعد يم الممشى و ما عندك شغله و لا مشغلة الا انه تبحلق عويناتك بالرايحه و الراده على الخط و مسويلهم زووووم مو طبيعي ؟ يا اخي اقرالك صفحه من القرآن او كلش كلش نام .. نامت عليك العافيه و الديايه الحافيه

9- صايمين و طايحيله رضاع لما اذان الفير ؟ استحوا على ويوهكم .. قلنا عشّاق و تحبون بعض .. (تصبحين على خير حياتي) او (تسحر عدل يا عمري) و خلااااص .. ليش نطولها و احنا بشهر فضيل ؟

10- صايم و تسهر بشيشه ؟ ندري انك حزتها فاطر .. بس بنفس الوقت اكو اوادم احسن منك يروكعون بمسيد و يصلون جيام و اكو ناس زايرين اهلهم من باب صلة الرحم و اكو بشر امبسطين ببيوتهم و مجابلين التلفزيون .. هذيله أهوَن بوايد من اللي طايحله معسل و قدو .. صح ولا انا غلطان ؟

11- صايم و تبلش فطورك على زقاره ؟ الرسول صلى الله عليه و سلم وصّانا على تمره و ماي .. و اكو ناس تفطر على لبن مثلاً .. و الناس العاده تدعي اول ما تفطر و تردد ورى الاذان .. زقاره يا الظالم ! لي هالدرجه سحيك يا السبندي

12- صايمه و نفسج خايسه و على طريف زين ما تطلع من خشمج على امج و خواتج و خدامتكم !؟ شنو متنسيه ولا يايتج الحاله ؟ .. اذا يوعانه او عطشانه قفلي على روحج الدار و جابلي المنظره لما يأذن المغرب

13- صايمه و رفيجتج يمج تتعلج بالسياره ؟ لا حيى و لا مستحى !! .. اذا انتي عادي عندج ترى الناس لهم احترام .. و شلون رفيجتج توري الصبيان ان يايتها (...) عييييييب لي هالدرجه انحط مستوى بعض البنات ؟! صج ناس هيلق لا يستحون ولا ينتخون !!

14- صايم و داش الدوام و ريحه البخور واصله لي الخفجي ؟ تبخير الهدوم بروحها جايز بس ترى استنشاق البخور و تبخير الدشداشه و انت لابسها حرام على الصايم لانه يدش بالرئتين .. ماني مفتي الديار المقدسة بس هذا راي السنه و الشيعه .. مانقول تعال دوامك و ريحتك فايحه و معطنه ! بس تعطر او حط دهن عود مثلا بكمية معقولة

15- صايم و كله ماد بوزك جنك بعزى ؟! ابتسم يا اخي لانك مسوي شي زين و قاعد ينكتبلك اجر .. عاد لا تشق الحلج و الكشره شقاقيه جنك شيسمونها اللي على جبنه -لاباشكيري-.. بس خلك فرايحي و نفسيتك عال العال و اترك عنك التقلدم .. و سلملي على البوز

16- صيّام و نطرش ايميلات و مسجات وصخه ؟! قلة أدب .. بوقت ثاني بالطقاق اللي يطق ابليس .. بس برمضان لا عاد يصير الوضع من زفت لي ازفت .. مهي حاله ترى ! يه

17- صايم و معلي على الأغاني بالسكّة و انت تحوس بسيارتك بين الفرجان ؟! يبه اسمع دقدقة اذا تبي و عساك تصير دي جي .. بس خلها تالي مو بالوقت اللي الواحد ينفذ فيه أمر الله سبحانه.. و بعدين لا تسَمّع الناس غصب .. اسمع بروحك .. و على شينه قوات عينه تلقى الذوق مثل ويهه شغل عراقيين والبرتقاله

18- صيّام و تبوقون ايميلات ؟ ليش تجذبون و تقولون انكم كاتبينها ؟ و انتوا بس شايلين ايميل الكاتب الأصلي و حاطين ايميلاتكم او مو حاطين شي .. حسد حسد يعل ابليسكم الواوي و الذيب اللي يعاوي
******
يالله .. نشوتكم على خير .. فمان الله يا الطيبين :)

هناك 49 تعليقًا:

غسان يقول...

الله بالنور حجي

كالعادة سوالفك ماتنمل:) وأحلى شي فيها اللهجة.
للأمانة يابوصقر هالناس الى كتبت عنهم هم اردى خلق الله، العويان والنطيحة والمتردية. لان السنع وانا خوك لوغلط تلقاه مستحي من نفسه قبل الله وخلقه.

eb9ara7a يقول...

غسّان :)
و هم تعقيباتك ما تنمل يا الحبيب -كلك- و انت الحلو مو بس اللهجة :P
..
صاج و انا اخوك هذيله على قولتك متردية و نطيحه .. ولا عيال السنع و المنع يندر انه تطلع منهم هالحركات القرعه
..
الله يهديهم .. قولوا آمين

Broke يقول...

تعليقي المفروض يكون هني

;)

Your post is sooooo funny . صج شر البلية ما يضحك
كلامك كله عدل .. الله يهديهم بس

والله انا قامتة الضحكة لأني قاعدة بالدوام .. فشلة

eb9ara7a يقول...

Broken :D
بنسخلج نفس ردي اللي كتبته هناك
..
Broken :D
مشكورة على الزواره .. حياج ربي
..
اي صاجّة .. عسى الله يهديهم
..
و بليز قمتي ضحكتج لين تطلعين من دوامج .. مانبي ناس تنزف او تنفصل بسبتنا :P

Ra-1 يقول...

:)

eb9ara7a يقول...

Ra.1 ..
نعم ! أي خدمه ؟ :P

EsTeKaNa يقول...

يعطيك العافية بوصقر
اسم اللة عليك وعسى اللة يحفظك ماكو شي نقدر نقوله ولا نزيدة كفيت ووفيت
عسى اللة يهدي الجميع
يحتاجون كلة طيبة ونفس حلوة تنصحهم
واذا اللة كتب لنا عمر لي رمضان الياي انشاللة ينعاد عرض هالموضوع عشان ينبه ناس وايد :))
يزاك اللة خير

eb9ara7a يقول...

Mano0ra :D
الله يجزيج الخير .. من طيبج ذاك الكلام الطيب
و الله يبلغنا رمضان الياي عشان نصوم نهاره و نقوم ليله
آمين :)

AL-3ANAN يقول...

هذي المرة الأولى اللي اقرا فيها مدونتك الظريفة و أول شى قريته ابتسمت بداية مبشرة بالخير :)
عموما ما عندي تعليق يديد على الكلام اللي قلته غير ان الكل عارف هالكلام بس قلة اللي يحاولون يلتزمون فيه
ايه صج انا علقت بنفس اسلوبك بالكتابة أقصد بالعامية علشان لا اتكلم باللغة العربية الفصحى جني داشة عرض ;)
تحياتي لك

W. يقول...

I didn't notice the comments bit..

But seriously, this is a hillarious post...

كم فرق التوقيت؟ وشلون الوييييييك اند؟ ما قظت؟ ;p

eb9ara7a يقول...

al-3anan :)
حياج ربي حياج .. انشالله ماتكون المره الاولى و الاخيره لج بهالموقع اللي يمشي الحال :D
سيرنا على موقعج من قبل و ما زلنا
..
ما أتشيحط .. بس هني استقبل 4 لغات
عربي .. انجليزي .. عبري .. تركي
..
يعني بتاع كله :P

eb9ara7a يقول...

W. :)
التوقيت الصيفي يفرق ساعه بالضبط عن الكويت و السعوديه .. يعني انتوا تنامون قبلنا .. اذا انتوا 2 فاحنا 1
..
امبله .. الويك اند افشقه ! ما مدانا نريح
..
بقولج خبر يهمج
ترى بيمرونج :P

AL-3ANAN يقول...

الله ايحيك يا بتاع كلو ;)
انشاءالله ماتكون الأخيرة
وحياك الله :)

W. يقول...

افشقه= meaning? LOOOL

ضحكتني لانها ذكرتني بكلمة "خاشوقة" وهي كلمة عتيقة معناها ملعقة

وبعدين،،،،،،

من اللي بيمر علي؟؟ ودي اعرف بس! علموني لو احد سنع خلني اتسنع لا اطلعلهم بشوشتي

eb9ara7a يقول...

W. LOL
محد راح يعرف اللي بيمرونج .. السر اندفن مع نادر الله يرحمه :(
..
افشقه و جمعها (فشق) اهي الرصاصه او بالاصح ذخيرة الشوزن
اما الخاشوقه فاهي كلمة ذات اصل تركي تعني القفشه بالكويتي و الملعقه بالفصحى .. اكو كويتيين يقولون خاشوقه بس طبعا خذوها من العراق
..
و بعدين شنو يعني شوشتي ؟ كل واحد يدير باله على شوشته يا جماعه :P

W. يقول...

شوشة كلمة قديمة وعريقة واصلها الشوش وهذا عبارة عن شى ماله وصف... المهم..احم احم... الشوشة الله يطول عمرك توحي عن الشعر المنكوش.. وجمعها شيش (بكسر الشين وفتح الياء) وهي كثيرة التداول في المجتمع السعودي نظرا لخفتها على اللسان و سهولة تداولها

وتصغيرها "شويشة

eb9ara7a يقول...

W.
اهااا ! عندنا كلمة مقاربة لفظاً و مطابقة للمعنى :))
و اللي اهي .. كشّة ! و جمعها كشيش .. و اللي نتغشمر معاها او انها صج مهولة بشعرها نسميها أم كشة :P
..
و سلامتج

Al-Hanbali يقول...

Asalamu aleykum
nice post
keep it up

غسان يقول...

شوشتي;) كلِمة مازالت تُستخدم في الكويت يا بصراحة. غلبناك لغوياً هـ المرة:P
ومعناها البُكله أو القذلة;)

غسان يقول...

بوصقر عدل ساعة البلوج;)

W. يقول...

حتي حنا نقول كشة و منكوش ومنكش (بالشد على الكاف)و حتى ام كشة متداولة...وام السعف والليف...وام شعثة،، جميعها مصطلحات بها كناية عن قباحة المنظر (وشين الخشة!!!) بس هذه شرحها يوم ثاني

غسان.. انت ما تتصور وشلون كلمة "قذلة" تسبب لي من اختلال في التوازن الاسموزي... لين سمعتها، حسيت ذاك العرق اللي فجبهتي ينبط و ينبط لييييييييييين ما يقول بس

mydream يقول...

استمتعت وانا اقرا وذكرتني برمضان يحلو ايامه الله يعوده علينا انشاالله مع ان كل الي كتبت بصوب و رمضان بصوب

eb9ara7a يقول...

q8ibloger :D
و عليكم السلام .. مشكور و يزاك الله خير
..
غسّان
LOL .. اي اعترف اني ما عرفتها :))
و انشالله احاول اعدّل التوقيت
..
W.
احنا هم نستخدم (أم السعف و الليف) و سحيلة ام الخلاجين و حمارة القايله و الجيكر و شينة الحلايا .. اما لتخريع الياهال او لوصف شخص بشع .. و تستخدم غالباً كطنازه
:P
mydream
آمين .. من بؤك لي باب السما :)

W. يقول...

LOOOOOOOOOOOOOL


ymerooonik!! ;p

eb9ara7a يقول...

W.
LOOL !
أخييييراً انحل اللغز مال نادر الله يرحمه :(
و عرفنا بالصدفه منو اللي بيمرونج و احتمال يمروني !! سبحان الله :P

W. يقول...

agollek 9aar methl il3adwaa

eb9ara7a يقول...

W.
وباء و انتي الصاجّة .. بيي يوم من الأيام اللي كل الناس يمرونهم هذيلاك اللي سولف عنهم المرحوم نادر

W. يقول...

LOOOOOOOOL

they should make a cartoon out of it..

eb9ara7a يقول...

W.
اي يبيله كارتون .. و يبيله موفي حق اللي فوق 18 لأنه بيكون حده رعب و صرقعه و تخريع ..
Ring مثل اللي تطلع من التلفزيون بفلم

W. يقول...

I hate that movie

eb9ara7a يقول...

W.
I saw the first part .. الثاني لا
بس قالولي انه ما خلص ! بيطلع ثالث
:s

W. يقول...

مالت.. ضاقت ولا قضت كل الحكاوي؟؟؟؟؟؟

eb9ara7a يقول...

W. :s
اي و الله
بس السالفة ماهي حكاوي على قولتج .. السالفة أرباح و بيزات قاعده تييهم كلما نزل جزء ;)

W. يقول...

الله يعينك.. لو اني فمكانك لا يمكن اقعد لحالي وش الله حادني!! LOOOOL :p

eb9ara7a يقول...

W.
لا ما شفتي شي .. سالفه الخوف و اني قاعد بروحي بكتب عنها الليله .. عشان صج ترأفين بحالي :s

W. يقول...

then why stay alone? I'll save my comment till tonight then ;p

eb9ara7a يقول...

W.
Yeah please , save it save it until they Ymero0nech :P

W. يقول...

If they do - which I highly doubt- I'm ready !

eb9ara7a يقول...

W.
عيل من الحين .. باي باي
:P

W. يقول...

LOOL you are ultra mean!! looooool

غير معرف يقول...

W.
حد الدوسة .. بس سلمي عليهم الله يخليج
:P

W. يقول...

they're not comming. Khafaw minni ;p

eb9ara7a يقول...

W.
عاد شاللي خوّفهم فيج بالضبط ؟!؟
:PpP

W. يقول...

تراني اروع :p

eb9ara7a يقول...

W.
الله يستر علينا و عليج .. ترى تخريع الناس ما يجوز شرعاً و قانوناً .. على قولة اللبناني : خلّيك في البيت
:P

غير معرف يقول...

Best regards from NY! Novo fluoxetine http://www.icfluoxetine20mg.info/Buyxanaxalprazolamonline.html Lipitor aphasia

غير معرف يقول...

Wonderful and informative web site. I used information from that site its great. »

غير معرف يقول...

Very cool design! Useful information. Go on! » »

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير