الأربعاء، أبريل 20، 2005

20 : WeekEnd


سالفتين ودّي أصارحكم فيهم باجر و اللي عقبه -إذا الله أحيانا- .. بس مادري بأهي أبتدي ! بخلي زوّار مدونتي -يا ثقل هالكلمة- يقرّرون و يحدّدون على كيف كيفهم .. و يا جماعة الخير .. اللي ناوي يعلق على الحجي الياي خل يختار موضوع من الموضوعين اللي بذكرهم الحين عشان تصير المسألة جنها تصويت مثل سالفة الأفلام و ما يطلبه المشاهدون بقناة إم بي سي 2 ..
! اليوم اللي صرت فيه ماسوني
!! اليوم اللي تبَنّيت فيه التوم -توأم- و رضعتهم
***
رئيس هندي أَسبق زاير تركيا .. له كتاب عن القائد الهندي العتيج -نهرو- و الجماعه هني مسويله عشا بالهيلتون على شرفه اهو و مرته -طبعاً أثنينهم مشدقين 75 و 90 سنه- .. طلعت جريب المغرب مع الدريول و مرينا أبو العَبِد .. الصدفه اللي ما تدش المخ إن رفيجي الدكتور محمود اهو اللي عالج ضروس مرت الرئيس الأسبق قبل العزيمة بيوم ! .. سبحان الله ، من بين آلاف الدكاترة اللي هني ما نادوا الا رفيق السلاح
دشينا القاعة .. على الييسار قنفات حق الضيف و مرته و السفيرة الهنديه -اللي اهي بنت الضيف نفسه!!- و كبار الشخصيات على قولتهم .. على الييمين معرض سواري و أقمشة كشميرية -حق التطمش مو البيع- بالويه تشوف البوفيه و اللي فوقه رازّين شاشة عووودة تعرض فلم هندي حق أشواريا و شاروخ خان -شكلي خبصت بالأسامي- و طبعاً الامريكان و الاوروبيين يموت على هالسوالف ، اما أنا و أبو العبد فعقب ما سلمنا اشتغلنا حش -الصج ينقال- و أثاري اللبنانيين من طقّة الدكتور ينظرون للهندي مثل ما ننظرله بالكويت !! شي يضحك و يفشل بنفس الوقت
***
منطقة -قول باشي- معناتها -منطقة بحيرة الباشا- .. فيها أحد أشهر الأسواق الدورية .. مرة وحده بالشهر .. جبرة عودة حيل و مكشوفة -في العراء على قولتهم- و فيها بسطات و طاولات مصفوفة على شكل لاينات .. متخصصة بالانتيك و التحف و الأشياء العتيجة .. كنا 3 مجاميع : انا و الدكتور و هاندان هانم و نوري + الجنرال و زوجته + بو أحمد و حرمه المصون .. عقب التسوق اللي قضيناه من 10 الصبح لي 3 العصر نتج عنه -بالنسبة لي- التالي
واحد : ساعة تيسوت .. صناعة الستينات .. مينا ابيض و برواز فضي و سير يلد كحلي .. حالتها لا باس فيها .. تشتغل على الحركة .. محفور على ظهرها : هالساعه هدية فلان بمناسبة شغله معانا خلال 25 سنة
أثنين : ولاّعة عتيجة حيل لونها ذهبي و عليها 3 طيور -أبيض و أحمر و أزرق- و مصنوعة بألمانيا .. النوع اللي ينحط على طاولة و ما ينحط بالمخبا .. ماركتها
SIMSON
ثلاثة : معجم عثماني - فرنسي .. طباعه عتيجة .. صغيرونو بحجم قاموس اوكسفورد .. مؤرخ في 1304 هجري
أربعة : كتاب ضخم من 632 صفحة .. عربي و طباعة قديمة .. الغلاف يلد طبيعي .. عليه ملاحظات و تصحيحات جثيرة .. بس للأسف ماكو تاريخ ! ما نبّشت بالكتاب عدل بس اللي فهمته إنّ عن الفصحى و علم اللسان بس بشكل تخصصي مو مبادئ و كلام سهل
خمسة : 3 نسخ مختلفة من -سند خاقاني- و تواريخها الهجرية كالتالي : 1329 و 1331 و 1309
***
تغدينا على يال البحيرة كلش ملّش .. يعني لو في موي جان طشر علينا رذاذه .. كان الجو روعه حد الدوسة .. بس هبت علينا شوي و بغت الشماسي تطير ! بالنسبة للاتراك تعتبر هالفترة (بيّاع الخبل عباته) و للأسف يومها كان معانا وايد مخابيل !! .. الامن تم مستتب بهالغدوة الحلوة ماعدى ذاك القرسون الدايخ اللي طلبنا منّه 4 كنافات تركية -كنّا 8 أشخاص- و عقب ثلث ساعه يابلنا كنافة وحدة مقسمة 4 قطع ! سكنهم مساكنهم
***
كلام طيّب
http://kuwait-n-islam.blogspot.com/2005/02/whom-does-allah-love-why-dont-we-want.html#comments

هناك 18 تعليقًا:

Ra-1 يقول...

I vote for number 2
:)

True Faith يقول...

me too

غير معرف يقول...

me too


ray

Kuwaiti_Man يقول...

To tell you the truth, I couldn't underestand what did you mean by those two choices?

ممكن توضح لنا أكثر؟

تحياتي

eb9ara7a يقول...

Ra.1 , T.F and Ray
يتراوالي انكم متفقين ! على جاي الضحى
:P
..
Kuwaiti-Man
ودك تعرف تفاصيل سالفه من هالسالفتين ؟ نقها
اليوم اللي صرت فيه ماسوني 1
2 اليوم اللي تبَنّيت فيه التوم -توأم- و رضعتهم

EsTeKaNa يقول...

اولا انا اختار 1
لانة ان ما خاب ظني 2 سالفة قطاوة:Pp
ماشلللة ويك اند حافل
:)

eb9ara7a يقول...

mano0ra :D
Maybe , Allaho a3lam
..
اغلب الويك إندز حافلين .. بس مو كلشي ينكتب :)
..
عيل بتعرفين سالفتي لما صرت ماسوني ؟
:s

EsTeKaNa يقول...

YES:)

LiTTLE BiG يقول...

a5tar number 1

Al-Hanbali يقول...

what voting

are we supposed to vote for anything :S

eb9ara7a يقول...

L.B :D
Thank You
..
q.b :))
yes brother
نق واحد من الموضوعين .. ايهو فيهم اللي تبي تعرف تفاصيله ؟

maha يقول...

أصوت لموضوع
( اليوم اللي صرت فيه ماسوني )

لأني ما أدري شنو يعني ماسوني
و ودي أعرف

=)

ray يقول...

صار باجر و اللي عقبه و اللي بعده و ما شفنا شي

we're waiting ... :)

Kuwaiti_Man يقول...

أوكي أنا اختار رقم واحد, وإذا مافيها إزعاج لك, رقم أثنين بعد

تعرفنا, طماعين

eb9ara7a يقول...

Thanks everybody :D
..
اعترف اني ما التزمت بوعدي بخصوص الموضوعين
بس ظروف الشغل و الرحلات و الاستعداد حق ردتي الكويت اهي الل خلتني أتأخر بالالتزام بوعدي
و للعلم .. التصويت مازال متعادل بخصوص الموضوعين :))

غير معرف يقول...

Best regards from NY! Alabama crimson tide roster football Asthma should slovenia soccer espn soccer sports

غير معرف يقول...

Cool blog, interesting information... Keep it UP film editing classes

mahmoud يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير