:) الله بالخير
***
يا الربع .. من جم شهر و أنا أنشر بهالمدونة (تييبلي الحارج هالكلمة) خمطة مقالات عتيجة سبق إني كتبتها من سنة الطفحة و اهي حول 14 من المواضيع المختلفة و المتنوعة مثل -العَقَد و الأمريكان و الحجاب و المواتر و سوالف البنات و رمضان و التزلّط و لندن و المغازل و المُبايلات و التبجبج و صدّام و الصور الخليعة و المسلسلات الكويتية- و كنت أحسب إن صداها ماراح يستمر مدة طويلة ، إنما بعد ما طرشتها حق قروبات عن طريق الإيميل و هم لم نشرتها هني لقيت إن التجاوب معاها كبير مو عشاني او بسبّة أسلوبي مثلاً -خاصة إنّ مداح نفسه يبيله رفسة- إنما لأنه ذاك الحجي كان يعتمد على مبدأ سحري إسمه -الصراحة راحة- و إنه الصج ينقال و كلمة الحق ما تنخش .. و اللي يتبع هالقاعدة سواء كتابةً أو في تعامله اليومي بيربح من صوبين ، أول شي بيريح قليبه لما يفضفض الكبْت و يفرّغ المتكوّد داخله .. و ثاني شي بيوَصّل القمندة و زبدة الحجي بشكل مباشر و بدون لف و دوران حق اللي يقرا أو يسمع بحيث تدش كوره و مخه (إذا كان موجود طبعاً) أو تدخل إذنه المشنتحه (و في رواية اخرى : مشتَّحة) فيكون لها بالغ الأثر و الوقع
فهمتوا شي ؟! ما اعتقد
***
خلك معاي يا محفوظ السلامة .. البلوقات -جمع بلوق- أشكال و أرناق .. بس أبرزها قسمين : النوع الأول اهو اللي اللي تلقاه متخصص بالنقاشات و المقالات الطويلة او اللي يسمونها هاليومين : مواضيع الحواريه (أخاف بس الإتجاه المعاكس) و هالنمونة إهي اللي أنا -و أعوذ بالله من هالكلمة- اتبعتها من بلشت بعالم البلوقات .. اما الشكل الآخر المنتشر هني فاهو كتابة اليوميات و الحوادث اللي تمر على الآدمي في بيته او دوامه او السكة أو أو أو .. و شكلي ببَلّش بهالأسلوب من الجابلة إذا الله أحيانا
***
معلوم إنّ المقالات الطويلة لها إيجابياتها و سلبياتها .. و هم المذكرات -من طقة مفكرة العجيري اللي قبل نكتب فيها شسوينا و ما سوينا- لها مميزاتها و عيوبها .. قد تكون احداث يومي ما تهم اللي قراها و قد تهمه في احيان اخرى .. قد يمل المتابع لقرقتي و قد يندمج فيها .. قد تلوع جبد اللي بيفكر يعلق على كلماتي و قد يسترسل من كثر ما اهو متحمس لها .. الناس أجناس ، و أصابع إيدك مو سوى (أعرف واحد عنده الثلاثه اللي بالنص نفس الطول) .. و على قولة القايل : لولا إختلاف الأذواق لبارت الأسواق -و في رواية : لبارت السلع- .. و الله يكتب اللي فيه الخير
***
فمان الله يا جماعة الخير :D
هناك 17 تعليقًا:
بإنتظار الجابلة;)
And this post is about ....??!!
T.F
السؤال اموجه لي ؟ ولا حق اللي انشال تعليقه ؟ :s
I didn't read the deleted comment.
So it is for you to answer.
T.F
انشالله بجاوب ! أهم شي محد يزعل :p
..
الجواب طال عمرج محد يعرفه الا عالم الغيب سبحانه :)
لأني مثل ما قلت , راح اكتب مذكرات و حوادث يومية تكون وليدة اللحظة على قولة القايل
..
الليلة يبين كل شي
غسان :)
إي نعم إنطر .. دامك أصلاً ناطر نتيجة المقابلة :P
waiting ;)
W.
ee wait please , a9lan entay men Long time waiting ele bemero0nech :P
:)
مليت بنام وانت مانزلت شي للحين:P
صح لسانك صج الصارحة راحة اهي اللي تدش القلب واحلى شي...ومنك ومن اسلوبك نستفيد:)
اتمنى ما يكون بلوقي من النوع اللي يلوع جبد اللي يبي يعلق:)
يالللة تييب الجابلة على خير
:) موضوعك نفس الموضوع اللي كنت بكتب عنه بس مع اختلاف بسيط
عموما اسلوبك البسيط رائع في طرح المواضيع
تحياتي لك
W.
ها .. مرّوج ؟
..
غسّان
خنت حيلي .. سهّرناك ! يالله هاردلك :))
..
mano0ra
صح ابدنج حجيه .. بالعكس .. أسلوبج متميز و يعبر عن شخصيتج مثل ما تبين شخصية كل كاتب من خلال كتاباته :)
..
al-3anan
صدفة
شكراً على الزيارة :D
W.
تخيلي انه اللي بيمرونج اهمه نفسهم اللي بفلم : الحاسه السادسه !! مال بروس ولس :s
W.
LOL
صج انه الفلم ذيج الايام كان يخرع , بس الصج ينقال .. عجيب و من اقوى الافلام اللي شفتها
بس الله لا يبلينا باللي بلاهم فيه ! خاصة اني ساكن بروحي :s
Best regards from NY! San antonio surveillance cameras Ca mega millions winning numbers New radio amateurs Wha is protonix used for Porn iceage Refinancing first mortgage5437 Keyword prozac weight gain boards Asian creampie Viral bikini Big canadian boobs camaro body kit texas kidney damage law suit attorneys Bdsm bold comic Free hardcore passwords
What a great site http://www.covers-seat.info Fioricet vti bin owssvr dll Nexium side effects kidney http://www.ge-appliances-country-planet.info/Ambienpharmaceutical.html Military discpunted cell phone plans Dome industries inc. avon bookkeeping record hardcore donovan phillips Lounge chair sales Emarketing tools email lists Warehouse distribution software Security webcam pro software Expert systems freeware water filter Medication calculations for nurses commodity trading software denmark air jenn part refrigerator
إرسال تعليق