السبت، يوليو 02، 2005

أذربيجان





السلام عليكم
..
هذي أبرز المشاهد
و التعليقات اللي
بطرحها بكل إختصار
اليوم حول رحلتي
السريعة لأذربيجان
..
هالديرة وصلها الإسلام بأيام الفتوحات اللي تمت بخلافة عمر بن الخطاب رضي الله عنه ، تالي احكموها العثمانيين و يتهم فترة احتلتهم روسيا القيصرية ، و تعتبر وحدة من الجمهوريات السوفييتية السابقة
و تمت تحت الحكم الشيوعي حروة 70 سنة
..
لغتهم روسية تركية عربية .. أشابيهم خلط من الروس و العرب .. الغالبية الساحقة مسلمين و النص بالنص بين السنة و الشيعة
..
من أوائل الدول اللي اكتشفوا فيها النفط ، و نفطهم على سطح الأرض .. يعني عادي تشوف مستنقعات سودة .. عندهم شي اسمه : نارلا تنطفيء ! عبارة عن غاز طالع من الأرض و شابه فيه النار من سنين طويلة ! شي عجيب شفته بعيني
..
لي الحين عندهم موضة الضروس الذهب ! حتى الصغار .. الديرة أمان بس فيها مافيا حكومية .. عندهم حرب مع أرمينيا و مشاكل مع إيران .. يطلون على بحر قزوين .. الكافيار عندهم ارخيص .. طبيعتهم روعة ماشالله
..
غنيمة المرزوق و أيمن بودي من الأسامي الكويتية اللي شفتها على مدارس و مسايد تنبني عن طريق لجان خيرية كويتية هناك .. الصندوق الكويتي للتنمية مسوي عندهم خطوط سريعة .. لجنة مسلمي آسيا صاير مقرها بنص الفريج اليهودي و يم معبدهم اللي عليه نجمة داوود
..
الديرة فيها قبور صحابة ! أي نعم .. فيها حروة ال 40 من صحابة الرسول صلى الله عليه و سلم اللي يا استشهدوا هناك أيام الفتوحات أو إنهم ماتوا أثناء الفترة اللي قضوها بذيج المناطق و اهمه يعلمون الناس الإسلام
..
قلعة الفتاة ، إسم البرج العتيج اللي صورته محطوطة فوق و اهو عبارة عن برج حبس فيه أحد ملوك ما قبل الإسلام بنته اللي بغت تتزوج شخص عادي ماهو من الطبقة مالتهم و يوم حاول يتسلق لها و اقضبوه الحراس تحت البرج قطت روحها عليهم و ماتت !! الحين ممنوع تدش البرج الا و معاك وحده ، يعني كبلز
..
فمان الله

هناك 12 تعليقًا:

qalm-jaf يقول...

مشكور على المعلومات الحلوه
شفت الصور حلوه بس اخر صوره من فوق عجيبه
ودى اروحلها بس من قلت مافيات عرفت ان الحلو ما يكمل
(:

نون النساء يقول...

عجييبة

وايد حلوة لصور

ولا قصة البنيه :""(

انا اشوي وقلت بيقولنا انه

حبيبها تسلق شعرها لطويل ههههههه


بس صج كوووول الرحلة

Ra-1 يقول...

ضروس ذهب hahha

شكلك استانست الحمدلله :)

أهم سؤال
شنو شريت لي؟
;)

True Faith يقول...

I think I should visit this country :) Plenty of History in it :)

Eb9ara7a and his Wife يقول...

W.
لووول ! اي عدل كلامج ، نتوكل على الله و نزوجهم و نفك عمرنا من الحنة و الرنة و الزنة
:P
..

qalm-jaf
LOL !
no brother , it's a safe place
المافيا حكومية مثل ما قلتلك ، بوق مناقصات و اختلاسات على مستوى وزارة النفط مثلاً .. بس الوضع بالسكيك زين
..

bo-tariq :)
السياحة ماهي قوية ، الدولة ناشئة و تكثر فيها السيارات الخاصة بالسفارات و المنظمات الدولية .. يعني أغلب أجانبها رايحين حق شغل
لها مستقبل باهر ، طبيعتها خلابة .. رخيصة .. العاصمة جنها شارع الخليج بس أكبر يعني كلها على جون أو قوس بحري
باختصار ، النفط لاعب لعبته
:)

Eb9ara7a and his Wife يقول...

فيلجا :))
ترى صج هذي قصة شايعه بينهم ! بس لو تحنقز ما يوصل شعرها لي تحت ! لأنه البرج وايد عالي .. الا اذا حبيبها شرب ريدبُل اللي يعطي جوانح
:P
..

ra.1
nothong :P
ما تعترفين بالمفاجآت ؟ نطري لما أرجع برمضان الياي انشالله
..

T.F :D
لازم ، الديرة تستاهل مثل ما قلت .. و فيها تاريخ إسلامي قيصري عثماني شيوعي و عصور أقدم من هذي

7amee elDyar يقول...

ما قلت لنا .. دشيت البرج؟

maha يقول...

الحمد لله على السلامة
=)

شكلها خوش ديرة

غسان يقول...

insha'a Allah estanist ....

Eb9ara7a and his Wife يقول...

7amee eldyar :)
لا تحرجنا يا ولد الحلال ! ارتزينا بالطابور و آخر شي قالولنا وين حريمكم ؟ يعني كشونا بذرابه
..

maha :D
الله يسلمج
اي و الله اعجبتنا الحمدلله
..

غسّان :))
وايد .. الله يونسك دنيا و آخره
..

Le0 :P
اي نعم .. نسوي رحلة جماعية حق البلوقرز

esTeKaNa يقول...

حمدلله على السلامة

Eb9ara7a and his Wife يقول...

Estekana
الله يسلمج اختي