أحد أقرب الناس لي في تركيا .. دكتور ضروس .. لبناني الأصل .. انتقل من طرابلس لي هالديرة قبل حوالي 13 سنة .. كافح -كعادة اللبنانيين- و تخرج من كلية الطب في العاصمة التركية أنقرة و حصل الجنسية التركية و تزوج من هني .. و له حالياً عيادة أسنان مشهورة يتقاسمها مع دكتور تركي إسمه بُراق .. مع انهم اثنينهم في اوائل الثلاثينات .. عيني عليهم باردة
***
لقب -أبو العَبِد- صار علّوقته من كثر ما يقولّي نكت عن هالشخصية اللبنانية العتيجة اللي كان راعيها من اهل طرابلس الشعبيين حيل و اللي يلبسون الطربوش مع تفتيلة الشنب مثل ما يسوي بو العناتر رفيج غوار الطوشة
***
هالريال ما يزورني بالمكتب و إيده خالية ! لازم معاه بوكيه ورد أو جاكليت أو قروضات ، و ذاك اليوم تغشمرت معاه و عقبها ما ياب شي ! مع ويهي قلتله : انت تبي تتلف ضروسنا عشان نعالج بعيادتك .. مو ؟
و من ذيج الحزة ما يابلي شي
***
قبل لا أتعرف عليه ركَّبت تقويم -و مازال- و دايماً ينتقد المستشفى اللي انا ركبته فيه .. بس عطيته كلمة و وعد إني أسوي تبييض و تنظيف و هالسوالف الكمالية بعيادته عقب ما افتك من التقويم
***
بو العَبِد تعرفت عليه بديوانية القطريين اللي تتيمع فيها الجالية العربية مرتين بالاسبوع و يطيحوله فيها كوت و هذرة و نقاشات سياسية و احياناً يستضيفون شخصية معروفه بتركيا من باب توطيد العلاقة بين العرب و الاتراك ... و كنت ذاك اليوم ناوي أشتري شوزن قبل لا يبلّش موسم الصيد و الظاهر ان الدكتور محمود قط اذنه او اني كنت اسولف بصوت عالي ! فوصّاني بأسلوبه اللبناني الذرب على محل اهو اشترى منه -بندئيّة- يعني -شوزن- قبل اسبوع .. صدفة ! .. و كانت هذي أول علاقتنا يوم إني رافجته حق محل الشوازن
***
ساعات يسميني (شْريك) -اشتقاقاً من الشراكة- و أحياناً يناديني بلقب (رفيق السلاح) لأني طلعت معاه القنص أكثر من مرة -بنسولف عنها تالي باذن الله- و اكو تسمية أخيرة اهي -بو زكي- لاني ساعات أطفره بالسوريين و أتحجى معاه بلهجتهم خاصةً لما أقوله : شو هالحكي يا بو زكي ؟! .. و مباشرة يرد علي بجملة : سوريا آوت سوريا آوت
***
زوجة الدكتور -هاندان- تركية من أصل شركسي .. قمة في الهدوء و الأدب .. و معنى إسمها هو : إبتسامه ... وايد توصي الدكتور و تحرصه اني اشرب جاي عندهم او حتى اتعشى -تخيل العشا المخلوط بين الطباخ التركي و اللبناني- و تالي اكتشفت سر هالعزايم ! أثاريها متضايقه ليش اني خذيت ريلها البيتوتي منها و قمنا نطلع وايد حق القنص و البولينق و أسواق الأنتيك -هم بنأجل السوالف عنها- فقرر من يومها انه يعوضها .. قام يحرص انه يزورها بزامها الليلي بأحد أكبر المستشفيات الحكومية هني .. لأنه المدام مالته متخصصة بالأشعة في قسم الحوادث .. الله يكافينا الشر
و عقب ما اعرفتني -هاندان هانم- و تاكدت أنّي خوش آدِمي و ما عندي كيري ميري و انه زوجها بأيدي امينه .. خفَّت عزايمها حقي و اتصالاتها اللي تلج فيها ريلها لما يطلع معاي
***
قبل لا اكتب هالكلمات بحروَة الساعة كنت طالع مع بو العَبِد و أم العَبِد حق إفتتاح مطعم يملكه واحد من ربعهم و زوجته الأوكرانية .. و عقب ربع ساعه من دشتنا المطعم مشينا بشكل اضطراري لأنه واحد تونسي من ربع الدكتور كان بمستشفى الولادة مع مرته الحامل اللي قطّت ولدها !؟!! .. و احنا بدرب الردة قالي بالانجليزي -عشان هاندان تفهم- : يوم لك و يوم عليك ، ناس مستانسين بافتتاح المطعم و ناس يبجون على ولدهم اللي مات قبل لا يشوف الدنيا .. و الخيرة فيما اختاره الله
***
خوش شي
هناك 18 تعليقًا:
بصراحة الأكل المُختلط من أحلى أنواع الأكل، التركي\اللبناني، الكُويتي\المِصري، الله! اثاريك عايش بنعيم هناك وانا احاتيك اقول شلون الواحد يقعد وحداني بالغربة من يطبخ له:P
(ما شاء الله)
W.
LOL sorry about the pic :P مو تحسبين انه ضروسي جذي ! انا اعتزت التقويم بس حق الناب ! لكنهم اضطروا يركبونه كامل و على قولتج أنواع الصداع و العوار خلال اول جمن يوم :s
o I will ask Dr.M about elmokasarat (groothat)
..
غسان
LOL من قص عليك و قال اني عايش بنعيم من ناحية الاكل ؟! صج اني انعزمت عندهم جم مرة .. بس مو معناته اني معشش بمطبخهم و طايحله دب بالخمس :))
سالفة الطباخ و الاكل بنسولف عنها تالي انشالله .. مأساااة
حسافة الصورة ما تطلع لي
!
يوم قريت المقال
طمر في بالي سؤال
ليش تركيا ؟
قلت لنفسي ، يمكن رايح دراسة
!
فلما فتحت الملف عشان أشوف العمر
اللي يمكن يساعدني عالاستنتاج
لقيت عمرك
104
!!!!!!!!!!
=Pp~
طولة العمر ان شاء الله
لا تضيق خلقي عليك:\
maha :)
الله يسلمج .. و الفال لج لما تشوفين احفاد احفادج .. مثلي
:P
..
W.
فهمتج يا خويتي -على قولتكم- و سألت الدكتور جان يقول إن لقب أبو العَبِد منتشر بشكل كبير هناك .. و أشهر محل مكسرات و كازو و فستق في طرابلس اهو : الأندلس
..
غسّان :)
يا معوّد هانت .. تعودنا و الأمن مستتب حالياً .. أصعب أيام اهي أول أيام
اخيرا بو صقر يشاركنا في حياته وايامة في تركيا:)
عسى اللة يتمم عليك انتة وبو العبد شكله خوش ريال واشوة انه المرة تطمنت :)
انا اتذكر لما كنا نقعد بتركيا وايد نصير مفترسين من اللحم ارد ما اشتهي لحم مع انه لحمهم لذيذ:)
mano0ra :D
اي الريال بشكل عام يعجبج .. بس بتييج عنه علوم بالايام اليايه
و على قولتج ، أشوه انه المره تطمنت ولا جان استاثمنا فيها
اي صاجّة ، اكلهم كلش ماهو صحّي من ناحية الدهن و اللحم و المشويات
W.
I told him !
He said : شْريك .. مابعرف مكسرات أبو العَبِد .. و إذا موجوده هونيك فأكيد إنها مو مشهورة
الدكتور من اهل طرابلس .. و اهل طرابلس ادرى بدكاكينها :P
W.
What ?! مستحي من شنو ؟
مطحنه و دكان مكسرات .. يعني ماكو شي يفشل
انتي جنج تسئلين عن واحد اسمه محمدين بمصر :P
W.
LOOL ! و شحقه يستحي من الاسم ؟
هذا لقب عادي و منتشر هناك .. بس بنفس الوقت اكو ذيج الشخصيه الهزليه اللي تحجينا عنها قبل :)
W.
LOL
لا لا ماكو الا العافيه .. مو قضية مستحى او احراج .. بس الظاهر انه مو مشهور و عشان جذي ما يتذكرونه
..
على يوم بسوي بوست كامل عن نكت أبو العبِد :D
W.
الشي لما يكون منّه وايد صعب تميزينه .. بس لما يكون نادر فراح تثبتينه لأنه مميز
..
و اسم أبو العبد منتشر بطرابلس .. محمصه بو العبد و بنجر بو العبد و مسجد بو العبد و مقهى بو العبد
Nice post :)
broken :)
Thanks 7ajeya
best regards, nice info Paris hilton commercials hilton paris picture sex tape Olden hairy sex Free milf xxx videos paris hilton and free Paris hilton drugs http://www.zithromax-pregnancy.info Where to insert the penis wireless internet access for cape cod paris hilton new york daily news picture Old team canada hockey jerseys Lube a penis answering machine + software Mature bar bang automatic gate hardware benefits of sauna seal - kiss by a rose
Wonderful and informative web site. I used information from that site its great. tenuate Driveway nets small business online store hosting Niche affiliate marketing program Biore skin care product site rambler american convertible for sale Sofa slip covers kissimmee fl Celexa cholesterol 1953 dodge b4b Ativan protocols ny 550 suzuki 1985
Enjoyed a lot! »
Very cool design! Useful information. Go on! Federal home mortgage Car+rental+phoenix
إرسال تعليق